بریڈا (نیدرلینڈ)، 22 مئی (یو این آئی) حنا بانو اور کنیکا سیواج کے تیز طرار گول کی بدولت ہندوستانی جونیئر خواتین ہاکی ٹیم نے نیدر لینڈ کے بریڈا میں ڈچ کلب بریڈز ہاکی ویرینینگ پش کے خلاف 2-0 سے جیت درج کرلی ہے۔ دونوں ٹیموں کو پنالٹی کارنر کے مواقع ملنے کے باوجود پہلا کوارٹر نتیجہ رہا۔ اسی طرح ہندوستان دوسرے کوارٹر میں بھی اپنے تین پنالٹی کارنر میں سے کسی کو بھی گول میں تبدیل کرنے میں ناکام رہا۔ یہ تعطل بالآخر تیسرے کوارٹر میں ٹوٹ گیا، جب حنا بانو نے ہندوستان کے لیے اہم پنالٹی کارنر سے گول کر کے اسکور کو 1-0 کر دیا۔ بریڈز ہاکی ویرینینگ پش نے جارحانہ انداز میں برابری کی کوشش کی لیکن تیسرے کوارٹر میں تین پنالٹی کارنر ملنے کے باوجود میزبان ٹیم ان میں سے کوئی گول نہ کر سکی۔چوتھے اور آخری کوارٹر میں کنیکا سیواچ نے جال میں گول کر کے ہندوستان کی برتری کو دگنا کر دیا۔ ہندوستانی دفاعی یونٹ نے میچ کے آخری چند منٹوں میں اپنی کلین شیٹ برقرار رکھنے اور جیت کو یقینی بنانے کے لیے اچھی کارکردگی کا مظاہرہ کیا۔ہندوستانی جونیئر خواتین ٹیم اپنا اگلا میچ بیلجیئم کے خلاف 22 مئی کو بریڈا، ہالینڈ میں کھیلے گی۔
