بھوپال:20؍ فروری:وزیر اعلیٰ ڈاکٹر موہن یادو نے کہا ہے کہ ہمارے ملک میں قدیم دورسے کھیلوں کی اہمیت رہی ہے۔ بھگوان شری رام اور ارجن کی شادی سویم ور کے ذریعہ ہوئی، جس میں انہوں نے اپنی کھیل کی صلاحیتوں کا شاندار مظاہرہ کیا۔ وزیر اعظم مسٹرنریندر مودی کی قیادت میں ملک کے ہر طبقے کے کھلاڑی عالمی سطح کے مقابلوں اور اولمپک کھیلوں میں بڑی تعداد میں گولڈ میڈل جیت کر ملک کا سر فخر سے بلند کر رہے ہیں۔ وزیر اعظم مسٹرنریندر مودی کی قیادت میں ملک میں 2036 کے اولمپک کھیلوں کی تیاریاں شروع ہو چکی ہیں۔ ریاست کے کھلاڑیوں نے ملک اور بیرون ملک ریاست کی عزت ووقار میں اضافہ کیا ہے۔ وزیر اعلیٰ ڈاکٹر یادو نے آج اعزاز پانے والے کھلاڑیوں کو مبارکباد اور نیک خواہشات دیں۔ وزیر اعلیٰ ڈاکٹر یادو “پنکھ” اسپورٹس اچیومنٹ ایوارڈ 2024 کی اعزازی تقریب کو خطاب کر رہے تھے۔
پروگرام کا اہتمام بنسل نیوز کے ذریعہ کیا۔وزیر اعلیٰ ڈاکٹر یادو نے کہا کہ وہ ریاست کے کھیلوں کے ٹیلنٹ کو سہولیات فراہم کرنے میں کوئی کمی نہیں چھوڑیں گے۔ انہوں نے امید ظاہر کی کہ ریاست کے نوجوان کھلاڑی ریاست اور ملک کا وقار بڑھانے میں کوئی کسر نہیں چھوڑیں گے۔ وزیر اعلیٰ ڈاکٹر یادو نے کہا کہ کھلاڑیوں کو صرف کھیلوں پر توجہ مرکوز کرنی چاہیے تاکہ وہ بہترین کارکردگی کا مظاہرہ کر کے ریاست کا نام روشن کر سکیں۔ وزیر اعلیٰ ڈاکٹر یادو نے کہا کہ ہمارے ملک کی خواتین مردوں سے کم نہیں ہیں۔ رانی درگاوتی اور جھانسی کی رانی نے تلوار بازی میں کمال کا مظاہرہ کیا۔ انہوںنے کئی مواقع پر اپنے مخالفین کو جنگ میں دھول چٹا دی۔وزیرکھیل اور نوجوانوں بہبود مسٹر وشواس سارنگ نے نوجوانوں کی حوصلہ افزائی کے لیے پنکھ اسپورٹس اچیومنٹ ایوارڈ شروع کرنے کے لیے منتظمین کا شکریہ ادا کیا۔ انہوں نے کہا کہ حکومت کا ساتھ دینا معاشرے کی ذمہ داری ہے۔
مدھیہ پردیش کی ترقی کے لیے ریاستی حکومت کے ساتھ سماج کا مکمل تعاون ضروری ہے۔ کھلاڑیوں کو چاہیے کہ وہ بلندیوں تک پہنچیں اور اپنا اپنے خاندان، معاشرے اور ملک کا نام روشن کریں۔
وزیر مسٹرسارنگ نے کہا کہ ہم کھیلوں کے میدان میں ریاست کو نمبر ون بنانے میں کوئی کسر نہیں چھوڑیں گے۔وزیر اعظم مسٹرمودی کی فراہمیوںپر شائع ایک کتاب وزیر اعلیٰ ڈاکٹر یادو کو پیش کی گئی۔ پروگرام میں وزیر اعظم مسٹر مودی کی ایک کویتاویڈیو کے ذریعے دکھائی گئی۔ وزیر اعلیٰ ڈاکٹر یادو کے ذریعہ ریاست کی ترقی کے لئے کئے گئے کاموں کی ایک مختصر فلم بھی دکھائی گئی۔ اس پروگرام میں ریاست کے مختلف اضلاع سے کھلاڑی، محبان کھیل اور عوام موجود تھے۔ پروگرام کے آغاز میں مسٹرسنیل بنسل نے خطبہ استقبالیہ پیش کیا۔
