بھوپال، 17 مارچ (رپورٹر) کرائم برانچ نے دو غیر قانونی اسلحہ اسمگلروں کو گرفتار کر کے ملزمان سے ایک دیسی ساختہ پستول اور دو زندہ کارتوس برآمد کر لیے، ملزمان کے خلاف ایف آئی آر درج کر لی ہے۔تھانہ کرائم برانچ کو اطلاع ملی تھی کہ فاروق نامی ایک مشتبہ اپنے دوست آشو عرف اسلم کے ساتھ نگرنگم کچرا پلانٹ ٹی وی اسپتال وی آئی پی گیسٹ ہاؤس کے پاس درخت کے نیچے اسلحہ کے ساتھ کھڑے ہیں۔ اس پر کرائم برانچ کی دو ٹیمیں موقع پر پہنچی اور ملزمان کو اپنی تحویل میں لے کر کرائم برانچ لے آئی۔ جہاں ملزمان کی شناخت 34 سالہ فرخ علی اور 30 سالہ اسلم عرف آشو خان ساکن واجپائی نگر ملٹی شاہجہاں آباد کے طور پر ہوئی ہے۔ دونوں ملزمان کی تلاشی لینے پر ایک دیسی ساختہ پستول اور ایک کارتوس برآمد ہوا۔
