نئی دہلی، 23 مئی (یو این آئی) ڈی ایس اے اے ڈویژن لیگ میں یہاں نہرو اسٹیڈیم میں کھیلے گئے یک طرفہ میچ میں ڈریم ایف سی نے گڈ ول کو 15 گول سے شکست دے کر لیگ کی سب سے بڑی جیت درج کی۔ ایک اور میچ میں ینگسٹر ایف سی نے بھوپندر اور گوتم بھاٹیہ کے گول سے دہلی یونائیٹڈ کو 2-0 سے شکست دی۔سینئر ڈویژن کے سپر سکس میچوں میں نیشنل یونائیٹڈ نے ہندوستان ایف سی کو 4-2 سے اور بھارت یونائیٹڈ نے ایئر فورس کو 3-1 سے شکست دی۔ شاستری اور اجمل نے 3-3 سے ڈرا کھیلا۔ڈریم ایف سی نے گڈ ول ایف سی کو کچل کر اپنی اب تک کی سب سے بڑی جیت درج کی۔ گورو نیگی نے سب سے زیادہ پانچ گول کئے۔ پلیئر آف دی میچ نمن ملکوٹی اور کنور نے دو دو گول کئے۔ وپن، اجے سنگھ، ہرش اور امان سنگھ نے ایک ایک گول کیا۔ دیپک کوشک نے خود ہی گول کر کے فاتح ٹیم کی جیت میں اہم کردار ادا کیا۔ بھوپیندر سنگھ اور گوتم بھاٹیہ کے گول نے ینگسٹر ایف سی کی جیت میں اہم کردار ادا کیا۔ بھوپیندر کو میچ کا بہترین کھلاڑی قرار دیا گیا۔سینئر ڈویژن کے سپر سکس میچوں میں نیشنل یونائیٹڈ نے سوریسم (2)، پرتیک لامبا اور امرجیت کے گول سے ہندوستان ایف سی کو 4-2 سے شکست دی۔ شکست خوردہ ٹیم کے گول سیموئل اور سورج نے کئے۔ ونود نگر اسپورٹس کمپلیکس میں شاستری اور اجمل کے درمیان کھیلے گئے سخت میچ میں شاستری کے لیے گول بپن بابو، بونیسن اور مسلم مولا نے کیے اور اجمل کے لیے گول گورو چڈھا، مجتبیٰ اور ہیری نے کیا۔ فائنل میچ میں بھارت یونائیٹڈ نے انڈین ایئر فورس کو ایک کے مقابلے تین گول سے شکست دی۔ فاتح ٹیم کی طرف سے سنگسیت نے دو اور کپتان مرمو نے ایک گول کیا۔ ائیر فورس پالم کی جانب سے امل داس نے گول کیا۔
