بھوپال،30؍جنوری: پی سی سی چیف جیتو پٹواری نے ایک بار پھر بی جے پی کو نشانہ بنایا ہے۔ جیتو نے کہا کہ ‘موہن حکومت کسانوں، بہنوں اور عوام کو دھوکہ دے رہی ہے۔ جیتو نے کہا- موہن بھیا! دھوکہ دینا بند کرو، ورنہ کانگریس احتجاج کرے گی۔ کانگریس سب کے مفاد میں آواز اٹھائے گی۔صحافیوں سے گفتگو کرتے ہوئے جیتو پٹواری نے کہا کہ گندم کی قیمت کے حوالے سے نوٹیفکیشن میں گندم کی امدادی قیمت 2250 روپے بتائی گئی ہے۔ جب کہ بی جے پی نے حکومت میں واپس آنے پر 2700 روپے دینے کا وعدہ کیا تھا، یہ کسانوں کے ساتھ دھوکہ ہے۔ اسی طرح دھان کی امدادی قیمت 3100 روپے کے نام پر بھی فراڈ کیا گیا ہے۔ یہی نہیں خواتین کو 3000 روپے ماہانہ دینے کے وعدے پر دھوکہ دینے والی حکومت نے 450 روپے میں سلنڈر اور 2 لاکھ نوجوانوں کو روزگار دینے کے وعدے پر بھی دھوکہ دیا ہے۔جیتو پٹواری نے کہا کہ وزیر اعلیٰ موہن یادو دھوکہ دہی نہ کریں، اسمبلی انتخابات سے پہلے کئے گئے تمام وعدوں کو پورا کریں جس میں گندم کی کم از کم امدادی قیمت 2700 روپے کا وعدہ بھی شامل ہے۔ بصورت دیگر ایک طرف تول مرکزوں پر تلائی چلے گی اور دوسری طرف کانگریس پارٹی کسانوں کی حمایت میں احتجاج کرے گی۔
