پیرس، 29 جولائی (یو این آئی) منو بھاکر اور سربجوت سنگھ کی ہندوستانی جوڑی نے پیرس اولمپکس میں پیر کو 10 میٹر ایئر پسٹل مکسڈ ٹیم ایونٹ میں شاندار کارکردگی کا مظاہرہ کیا اور کانسے کے تمغے کے مقابلے کے لیے کوالیفائی کرلیا۔ وہیں رمتا جندال خواتین کے 10 میٹر ایئر رائفل کے فائنل میں تمغہ جیتنے سے چک گئی۔ منو اور سربجوت نے کوالیفائنگ راؤنڈ کے پہلے سیٹ میں 193 پوائنٹس، دوسرے سیٹ میں 195 پوائنٹس اور تیسرے سیٹ میں 192 پوائنٹس حاصل کیے۔ دونوں کل 580 نمبروں کے ساتھ تیسرے نمبر پر رہے۔ اب ہندوستانی مکسڈ ٹیم منگل کو کانسے کے تمغے کے لیے مقابلہ کرے گی۔ اس ایونٹ میں ہندوستان کی رمتا جندال ایک بار آٹھ خواتین کے ساتھ مقابلے میں چوتھے نمبر پر تھیں۔ لیکن رفتار برقرار رکھنے میں ناکام رہی اور 145.3 پوائنٹس کے ساتھ ساتویں نمبر پر رہی۔جنوبی کوریا کی بان ہیوجن نے خواتین کے 10 میٹر رائفل شوٹنگ مقابلے میں 251.8 کے اسکور کے ساتھ طلائی تمغہ جیتا۔
یہ 1992 کے بعد اس ایونٹ میں جنوبی کوریا کے کسی ایتھلیٹ کے لیے پہلا طلائی تمغہ ہے اور اولمپک سمر گیمز کی تاریخ میں جنوبی کوریا کی ٹیم کا جیتنے والا 100 واں طلائی تمغہ ہے۔ یہ مقابلہ چین کی 17 سالہ ہوانگ یوٹنگ نے جیتا اور کانسے کا تمغہ سوئٹزرلینڈ کی آڈرے گوگنیاٹ نے حاصل کیا۔
