بھوپال۔ 27/ نومبر ( پریس ریلیز) مدھیہ پردیش کے محکمہ سیاحت کو نئی دہلی میں منعقدہ باوقار ٹریول اینڈ ٹورازم کنکلیو اور ایوارڈز میں ‘سال کی بہترین سیاحتی ریاست سے نوازا گیا۔ یہ اعزاز ریاست کی جانب سے سیاحت کے شعبے میں نمایاں کام اور کامیابیوں کا منہ بولتا ثبوت ہے۔ محکمہ سیاحت کی طرف سے ریاست کے منفرد قدرتی حسن، بھرپور ثقافتی ورثے اور عالمی معیار کے سیاحتی مقامات کو فروغ دینے کے لیے اختراعات کی جا رہی ہیں۔ محکمہ انفراسٹرکچر کو بہتر کر رہا ہے، سیاحتی مقامات پر رابطے اور مقامی کمیونٹی کے لیے روزگار کے نئے مواقع پیدا کر رہا ہے۔ اس کی وجہ سے مدھیہ پردیش ہندوستان اور بیرون ملک سے آنے والے سیاحوں کا پسندیدہ مقام بن گیا ہے۔ محکمہ سیاحت اور ثقافت کے پرنسپل سکریٹری اور منیجنگ ڈائریکٹر مدھیہ پردیش۔ ٹورازم بورڈ شری شیو شیکھر شکلا نے خوشی کا اظہار کرتے ہوئے کہا، ’’یہ اعزاز ریاست میں سیاحوں کو ایک منفرد تجربہ فراہم کرنے کی ہماری کوششوں کو مزید تیز کرے گا۔ ہم مدھیہ پردیش کو سیاحت کے نقطہ نظر سے مزید خوشحال بنانے کی کوششیں جاری رکھیں گے۔
