چنئی، 07 جولائی، (یو این آئی) محسن پرامبن نے چنئی میں 2024 آئیڈیمٹسو ہونڈا انڈیا ٹیلنٹ کپ این ایس ایف 250آر کے دوسرے راؤنڈ میں اپنی باصلاحیت ریسنگ کی مہارت کا مظاہرہ جاری رکھا۔ مدراس انٹرنیشنل سرکٹ میں دوسری ریس میں ایک بار پھر کمان سنبھالتے ہوئے محسن نے 8 لیپ ریس میں موٹو 3-اسپیک مشین، این ایس ایف 250آر کی پوری صلاحیت کو بروئے کار لایا۔ اپنے پرسکون اور صبر آزما انداز کے ساتھ، محسن نے ریس میں شروع سے ہی برتری برقرار رکھی۔ قومی اور بین الاقوامی ریسوں میں اپنے تجربے کا استعمال کرتے ہوئے، انہوں نے زبردست مقابلہ کیا اور پوڈیم پر پہلی پوزیشن حاصل کرکے اپنی صلاحیت کا ثبوت دیا۔
انہوں نے 15:07.015 کے مجموعی وقت کے ساتھ ریس مکمل کی اور 1:52.236 کا بہترین لیپ ٹائم ریکارڈ کیا۔ اس جیت کے ساتھ ہی محسن نے دونوں ریسوں میں پوڈیم ونر کے طور پر راؤنڈ مکمل کیا۔ دلچسپ ریسنگ کے سخت مقابلے کے درمیان دونوں بنگلورو کے نوجوان رائیڈروں سیوین سابو اور اے ایس جیمز نے اپنی مسابقتی مہارت کا مظاہرہ کیا اور تھروٹل پش کرتے ہوئے اپنی صلاحیت کا مظاہرہ کیا اور دوسری پوزیشن حاصل کی۔
اسی دوران، سیوین سابو تیزی سے آگے بڑھے اور 15:10.965 کے کل وقت کے ساتھ ریس مکمل کرتے ہوئے، دوسرے نمبر پر چیکرڈ لائن کو عبور کیا۔ ٹانگ کی چوٹ کے باوجود اے ایس جیمز نے کوئی غلطی نہیں کی۔ مضبوط عزم کے ساتھ استقامت اور تحمل کا مظاہرہ کرتے ہوئے تیسرے نمبر پر رہے۔
انہوں نے 15:15.953 کے کل وقت کے ساتھ ریس مکمل کی۔ بدقسمتی سے حیدرآباد کے بدانی راجندر اور اسٹیو وا سوگی کے کریش کی وجہ سے ریس مکمل نہیں کر سکے۔2024 کا سیزن پانچ راؤنڈز پر مشتمل ہوگا، جس کا آغاز 14-16 جون تک مدراس انٹرنیشنل سرکٹ (چنئی) میں سیزن کے آغاز سے ہوا۔ راؤنڈ 5 سے 7 جولائی میں اسی وینیو پر منعقد ہو رہے ہیں اور بقیہ ریس اگست، ستمبر اور اکتوبر میں چنئی میں ہوں گی۔
