ہلدوانی، (اتراکھنڈ) 29 جنوری (یو این آئی) کرناٹک کے تیراکوں نے شاندار کارکردگی کا مظاہرہ کرتے ہوئے بدھ کو 38ویں قومی کھیلوں کے پہلے دن پانچ گولڈ میڈل جیتے۔ کرناٹک کے سری ہری نٹراج نے آج یہاں مردوں کے 200 میٹر فری اسٹائل تیراکی مقابلے میں 1:50.57 کے وقت کے ساتھ طلائی تمغہ جیتا۔ کرناٹک کے انیش ایس گوڑا نے 1:52.42 کے ساتھ چاندی کا تمغہ جیتا جبکہ کیرالہ کے ساجن پرکاش نے 1:53.73 کے ساتھ کانسہ کا تمغہ جیتا۔ خواتین کے 200 میٹر فری اسٹائل تیراکی مقابلے میں کرناٹک کی ابھرتی ہوئی اسٹار دھیندھی دیسنگھو نے 2:03.24 کی ٹائمنگ کے ساتھ نیشنل گیمز کا ریکارڈ توڑتے ہوئے طلائی تمغہ جیتا۔ دہلی کی بھاویہ سچدیوا نے 2:08.68 کے وقت کے ساتھ دوسرا مقام حاصل کیا، جبکہ مہاراشٹر کی ادیتی ستیش ہیگڑے نے 2:09.74 کے وقت کے ساتھ کانسے کا تمغہ جیتا۔مردوں کے 100 میٹر بٹر فلائی مقابلے میں تمل ناڈو کے بینیڈکشن روہت نے 53.89 سیکنڈ کے وقت کے ساتھ طلائی تمغہ جیتا۔ اگرچہ وہ ریکارڈ سے تھوڑا چوک گئے ۔ مہاراشٹر کے مہیر عنبرے نے 54.24 ٹائمنگ کے ساتھ چاندی کا تمغہ جیتا۔ کیرالہ کے ساجن پرکاش 54.52 کے ساتھ تیسرے نمبر پر رہے۔ خواتین کے 100 میٹر بٹر فلائی مقابلے میں کرناٹک کی دھینیدھی دیسنگھو نے 1:03.62 کے وقت کے ساتھ ریاست کے لیے دوسرا طلائی تمغہ جیتا۔ ساتھی نائشا شیٹی نے 1:04.81 میں چاندی کا تمغہ جیتا اور اوڈیشہ کی سریشتی اپادھیائے نے 1:05.20 کے ساتھ کانسہ کا تمغہ حاصل کیا۔
مردوں کی 4x100m فری اسٹائل ریلے دوڑ میں کرناٹک کی مردوں کی ٹیم آکاش منی، چنتن ایس شیٹی، انیش ایس گوڑا اور سری ہری نٹراج نے ایک نیا میٹ ریکارڈ (3:26.26) قائم کرتے ہوئے طلائی تمغہ جیتا۔ تمل ناڈو 3:29.92 کے ساتھ دوسرے نمبر پر رہا، اس کے بعد گجرات نے 3:32.23 کے ساتھ کانسے کا تمغہ جیتا۔ خواتین کے 4×100 میٹر فری اسٹائل ریلے ایونٹ میں نینا وینکٹیش، شالینی آر دکشٹ، لتیشا مندھانا اور دنیدھی دیسنگھو کی کرناٹک کی خواتین کی ریلے ٹیم نے 4:01.58 کے وقت کے ساتھ گولڈ میڈل جیتا۔ مہاراشٹر کی ٹیم نے (4:02.17) وقت کے ساتھ چاندی کا تمغہ جیتا اور تمل ناڈو کی ٹیم نے (4:08.81) کے وقت کے ساتھ کانسہ کا تمغہ جیتا۔
