لاہور، 20 فروری (یواین آئی) انٹرنیشنل کرکٹ کونسل (آئی سی سی) کی ٹیکنیکل کمیٹی نے 2025 کی چیمپئنز ٹرافی کے لیے پاکستانی اسکواڈ میں زخمی فخر زمان کی جگہ امام الحق کو شامل کرنے کی منظوری دے دی ہے۔ فخر کو بدھ کو کراچی میں نیوزی لینڈ کے خلاف فیلڈنگ کے دوران ایک انجری کے باعث ٹورنامنٹ سے باہر کر دیا گیا تھا۔ امام الحق نے پاکستان کے لیے آخری بار ایک روزہ بین الاقوامی میچ 2023 ورلڈ کپ میں جنوبی افریقہ کے خلاف کھیلا تھا۔ ایک ناکام ٹورنامنٹ کے بعد، وہ تقریباً دو سال تک منتخب نہیں ہوئے، لیکن پھر ڈومیسٹک کرکٹ میں رنز بنا کر دوبارہ مقابلے میں آنے کے لیے اپنی جگہ بنانے میں کامیاب ہوئے۔ پی سی بی نے کہا کہ فخر زمان دبئی روانہ ہونے والی ٹیم کے ہمراہ نہیں جا رہے، ان کی انجری سنجیدہ نوعیت کی ہے۔ایونٹ ٹیکنیکل کمیٹی میں وسیم خان، عثمان واہلہ، سارا ایڈگر اور شان پولک شامل ہیں۔
