کیپ ٹاؤن:05؍جنوری :پاکستان اور جنوبی افریقہ کے درمیان دوسرا ٹیسٹ کیپ ٹاؤن میں کھیلا جا رہا ہے۔ میچ کے تیسرے روز پاکستان پہلی اننگز میں 194 رنز ہی بنا سکا۔ جنوبی افریقہ نے انہیں فالوآن دیا، ٹیم دوسری اننگز میں ایک وکٹ پر 213 تک پہنچ گئی۔پاکستان کی جانب سے کپتان شان مسعود نے سنچری اسکور کی ہے۔ بابر اعظم 81 رنز بنا کر آؤٹ ہوئے۔ دونوں کے درمیان 205 رنز کی شراکت ہوئی۔ جنوبی افریقہ نے پہلی اننگز میں 615 رنز بنائے تھے۔ ٹیم کو سیریز میں بھی 1-0 کی برتری حاصل ہے۔
پاکستان نے تیسرے دن کھیل کا آغاز 64/3 پر کیا۔ بابر اعظم نے 31 اور محمد رضوان نے 9 رنز کے ساتھ اننگز کو آگے بڑھایا۔ بابر نے 58 اور رضوان نے 46 رنز بنائے۔ ان کے بعد ٹیم ڈھیر ہوگئی اور صرف 194 رنز بنا سکی۔ صعیم ایوب انجری کے باعث بیٹنگ کے لیے نہیں آ سکے۔جنوبی افریقہ کو پہلی اننگز میں 421 رنز کی برتری حاصل تھی۔ ٹیم کی جانب سے کگیسو ربادا نے 3 وکٹیں حاصل کیں۔ کوینا مفاکا اور کیشو مہاراج نے 2،2 وکٹیں حاصل کیں۔ 1-1 سے کامیابی مارکو جانسن اور وین مولڈر کو بھی ملی۔
