بھوپال،20 فروری (شہری نمائندہ) سابق وزیر اعلیٰ شیوراج سنگھ چوہان کے ہر روز تین پودے لگانے کی قرارداد کو تین سال ہو چکے ہیں۔ ماحولیاتی تحفظ کی اس پہل کے تین سال مکمل ہونے پر منگل کو رویندر بھون بھوپال میں ایک ماحولیاتی کانفرنس کا انعقاد کیا جا رہا ہے۔ اس کانفرنس میں ملک بھر سے مشہور ماہر ماحولیات اور سماجی کارکن شرکت کریں گے۔ سابق وزیراعلیٰ ٰشیوراج نے 19 فروری 2021 کو نرمدا جینتی کے دن امر کنٹک میں ہر روز پودا لگانے کا عہد کیا تھا اور پہلا پودا امر کنٹک کی شمبھو ندی میں لگایا گیا تھا۔ سابق وزیر اعلیٰ نے ماحولیاتی تحفظ کو زندگی کا مشن بنایا اور ہر روز پودا لگانے کا عزم جاری رکھا۔ اسی سلسلے میں درخت لگانے کو عوام سے عوام کی مہم بنانے کے لیے ایک ماحولیات کانفرنس کا انعقاد کیا جا رہا ہے۔
1095 دنوں میں 3238 پودے لگائے گئے۔
19 فروری 2021 کو نرمدا جینتی کے موقع پر سابق وزیر اعلیٰ شیوراج سنگھ چوہان نے امر کنٹک میں گل بکاولی اور سال کے پودے لگا کر ہر روز پودے لگانے کا عہد لیا تھا، تب سے اب تک وہ 1095 دنوں میں 3238 پودے لگا چکے ہیں۔ روزانہ تین پودے کی شرح سے اب تک 2000 سے زائد افراد پودے لگا چکے ہیں۔ 5 جون 2023 کو عالمی یوم ماحولیات کے موقع پر راج بھوج ہوائی اڈے پر واقع رام ون میں کابینہ کے ارکان کے ساتھ 311 پودے لگائے گئے۔ میری ماٹی میرا دیش پروگرام کے تحت 10 اگست 2023 کو 75 پودے لگائے۔ 14 اگست 2023 کو لاڈلی بہنوں کے ساتھ 100 پودے لگائے۔ اس کے ساتھ ہی انکور ابھیان جیسے پروگراموں کے ذریعے پوری ریاست میں لاکھوں پودے لگائے گئے۔
