بھوپال،19؍اکتوبر(محمداسعد) شیرپنجاب حضرت مولانا عثمان صاحب رحمانی (شاہی امام پنجاب)لدھیانوی کی آج بھوپال ریلوےا سٹیشن پہنچنے پرپہلے سے موجود ان کے عقیدت مندوں نے گرمجوشی کے ساتھ استقبال کیا۔ اس موقع پر سیکورٹی کے پختہ انتظامات کئے گئے تھے، ساتھ ہی فرزندان توحید کی بڑی تعداد میں ان استقبال کرنے ریلوے اسٹیشن پرپہنچی اور ہار اور گلدستہ دیکر ان کاشانداراستقبال کیا۔ استقبال کرنےو الوں میںٹیم کبیرخان اور ملی رہنما کے علاوہ مفتی علی قدرحسینی(نائب قاضی شہر بھوپال) ،مفتی فیاض عالم جامعی(امام مسجد بیت المکرم)، مفتی محمدسلمان قاسمی،آر ایچ نیوز کے محمداویس رحمانی سمیت سینکڑوں علمائے کرام اوران کے چاہنے والوں کاجم غفیرموجودتھا۔واضح رہے کہ مولانا موصوف اتوار کو صبح نوبجے سے عیش باغ واقع چارمینار مسجد میں خواتین کے پروگرام کووعظ فرمائیں گے اوربعدنماز عشاء سینٹرل لائبریری میدان میں جلسہ عام سےسیرت النبی ؐ کے موضوع پرخطاب کریں گے۔
