رامناتھ پورم23فروری: سری لنکا کی بحریہ نے ہفتہ کی آدھی رات کو 32 ہندوستانی ماہی گیروں کو گرفتار کیا اور اس کے علاقائی پانیوں میں مبینہ طور پر غیر قانونی شکار کرنے کے الزام میں پانچ ہندوستانی مشینی فشنگ ٹرالر کو ضبط کر لیا۔ ابتدائی رپورٹوں کا حوالہ دیتے ہوئے ماہی گیری کے محکمے کے حکام نے اتوار کو یہاں بتایا کہ رامیشورم سے تعلق رکھنے والے ماہی گیروں کو سری لنکا کی بحریہ نے اس وقت گرفتار کیا جب وہ منار کے شمال میں سمندر میں مچھلیاں پکڑ رہے تھے۔ انہوں نے کہا کہ ہفتہ کی صبح ماہی گیروں کے ساتھ 500 سے زیادہ کشتیاں تمل ناڈو کے ماہی گیری کے محکمے سے لازمی ٹوکن حاصل کرنے کے بعد رامیشورم فشنگ جیٹی سے معمول کی ماہی گیری کے لیے سمندر کی طرف روانہ ہوئیں۔ پکڑی گئی کشتیوں کے ساتھ ماہی گیروں کو تلیمنار بندرگاہ لے جایا گیا جہاں انہیں مزید قانونی کارروائی کے لیے سری لنکا کے محکمہ ماہی گیری کے حکام کے حوالے کیا جائے گا۔ قابل ذکر ہے کہ سری لنکا کی میری ٹائم فورسز نے اس سال اب تک 131 ہندوستانی ماہی گیروں کو گرفتار کیا ہے اور 18 ہندوستانی ماہی گیری کی کشتیوں کو ضبط کیا ہے۔
دو چچا زاد بھائیوں سمیت تین نوجوانوں کو ٹرک نے روندا
مرزاپور:23فروری(یواین آئی) اترپردیش کے ضلع مرزاپور کے ادلہاٹ تھانہ علاقے کے اسرا گاؤں کے نزدیک نامعلوم ٹرک نے دو چچا زاد بھائیوں سمیت 3افراد کو کچل دیا۔ جس میں تین کی موقع پر ہی موت ہوگئی۔ موصول اطلاع کے مطابق نوجوان گٹی اتارنے کا کام کرتے تھے ۔ وہ گٹی اتار کر ہفتہ کی دیر رات پیدل ہی گھر کی جانب واپس جارہے تھے اور راستے میں ٹرک نے انہیں کچل دیا۔
