چیکیا، 26 مئی (یو این آئی) پریکٹس کے دوران زخمی ہونے والے نیرج چوپڑا اوسٹراوا گولڈن اسپائک 2024 ایتھلیٹکس میٹ میں حصہ نہیں لیں گے۔ورلڈ ایتھلیٹکس کانٹی نینٹل ٹور گولڈ لیبل ایونٹ کے منتظمین نے ہفتے کے روز اس اطلاع کی تصدیق کی۔ انہوں نے کہا کہ ہندوستانی جیولن پھینکنے والے نیرج چوپڑا 28 مئی کو چیکیا میں ہونے والے اوسٹراوا گولڈن اسپائک 2024 ایتھلیٹکس میں حصہ نہیں لیں گے۔موجودہ اولمپک اور عالمی چیمپئن نیرج چوپڑا چند ہفتے قبل ٹریننگ کے دوران پٹھوں میں انجری کا شکار ہو گئے تھے جس کی وجہ سے انہیں ٹریننگ سے باہر ہونا پڑا تھا۔تاہم، نیرج سالانہ ایتھلیٹکس مقابلے کے 63 ویں ایڈیشن میں بطور مہمان موجود ہوں گے۔منتظمین نے نیرج چوپڑا کی جگہ جرمنی کے جولین ویبر کو شامل کیا ہے۔ اوسٹراوا میں مردوں کے جیولین تھرو میں گھریلو پسندیدہ ایتھلیٹ جیکب واڈلیج ٹوکیو 2020 کے چاندی کا تمغہ جیتنے والے اور ڈائمنڈ لیگ اور گولڈن اسپائیک چیمپئن شپ میں شامل ہوں گے۔ سابق عالمی چیمپئن گریناڈا کے اینڈرسن پیٹرز بھی شرکت کر رہے ہیں۔یہ مسلسل دوسرا سال ہے جب نیرج کو آسٹراوا گولڈن اسپائک سے باہر ہونا پڑا۔ انہیں گزشتہ سال بھی مقابلے کے لیے اس فہرست میں شامل کیا گیا تھا، لیکن وہ پٹھوں میں چوٹ کی وجہ سے حصہ نہیں لے سکے تھے۔اوسٹراوا میٹ نیرج چوپڑا کی سیزن کی تیسری مسابقتی میٹ تھی۔ واضح رہے کہ نیرج چوپڑا کو آئندہ 18 جون کو فن لینڈ کے شہر ترکو میں ہونے والے پاو نورمی گیمز میں حصہ لینے کے لیے اس فہرست میں شامل کیا گیا ہے۔
