راجکوٹ، 15 فروری (یو این آئی) روہت شرما نے جمعرات کو تیسرے ٹیسٹ میچ کے پہلے دن کپتانی اننگ کھیلتے ہوئے اپنے ٹیسٹ کیریئر کی 11ویں سنچری بنائی۔روہت نے آج اپنی فارم حاصل کرتے ہوئے 157 گیندوں میں 11 چوکوں اور دو چھکوں کی مدد سے اپنی 11ویں ٹیسٹ سنچری مکمل کی۔ راجکوٹ میں یہ ان کی پہلی اور انگلینڈ کے خلاف تیسری ٹیسٹ سنچری ہے۔ روہت شرما نے اس سے قبل فروری 2021 میں چنئی میں 161 رنوں کی اننگ کھیلی تھی، یہ انگلینڈ کے خلاف ان کی پہلی ٹیسٹ سنچری تھی اور اس کے بعد انہوں نے ستمبر 2021 میں 127 رنز کی اننگ کھیلی تھی۔ انہوں نے 2013 میں ہندوستانی ٹیسٹ ٹیم کے لیے ڈیبیو کرتے ہوئے اپنی پہلی ٹیسٹ سنچری بنائی تھی۔
