پوچیفسٹروم، 18 اپریل (یو این آئی) سری لنکا کی خواتین ٹیم کی کپتان چمری اٹاپٹو نے تین میچوں کی ون ڈے سیریز کے تیسرے میچ میں ناقابل شکست (195) رنز کی طوفانی اننگز کھیل کر جنوبی افریقہ کو چھ وکٹوں سے شکست دے دی ہے۔ اس جیت کے ساتھ ہی سری لنکا نے سیریز 1-1 سے برابر کر دی ہے۔ چمری کی ریکارڈ سازاننگز کی بدولت سری لنکا خواتین کی ون ڈے تاریخ کی پہلی ٹیم بن گئی ہے جس نے 300 کے ہدف کا تعاقب کرتے ہوئے کامیابی حاصل کی۔ سری لنکا نے آسٹریلیا کا 12 سال پرانا ریکارڈ توڑ دیا ہے۔ سال 2012 میں آسٹریلیا نے نیوزی لینڈ کے خلاف 289 رنز کے ہدف کا تعاقب کرتے ہوئے کامیابی حاصل کی تھی۔ اس کے علاوہ سری لنکا کا اسکور چار وکٹوں پر 305 رنز کا تعاقب کرتے ہوئے خواتین کرکٹ کا مشترکہ سب سے بڑا اسکور ہے۔ اس سے قبل 2017 کے ورلڈ کپ کے دوران انگلینڈ کی جانب سے دیئے گئے 374 رنز کے ہدف کا تعاقب کرتے ہوئے جنوبی افریقہ نے نو وکٹوں پر 305 رنز بنائے تھے۔ خواتین کی ون ڈے کرکٹ کی تاریخ میں کسی کھلاڑی کا یہ پانچواں ذاتی بہترین اسکور ہے۔
سری لنکا کی خواتین اور جنوبی افریقہ کی ٹیم کے درمیان کھیلے گئے ایک روزہ بین الاقوامی میچ میں کئی ریکارڈ بنائے گئے۔ یہ میچ جیت کر سری لنکا پہلی ٹیم بن گئی ہے جس نے تعاقب کرتے ہوئے 300 سے زائد کا ہدف حاصل کیا۔ اس سے قبل یہ ریکارڈ آسٹریلیا کے نام تھا۔ آسٹریلیا نے ایسا کارنامہ 2012 میں نیوزی لینڈ کے خلاف 289 رنز کا تعاقب کرتے ہوئے کیا تھا۔ سری لنکا کا چار وکٹوں پر 305 اور جنوبی افریقہ کا پانچ وکٹوں پر 301 کا سکور خواتین کے ون ڈے میں تعاقب کے دوران دونوں ٹیموں کا مشترکہ سب سے بڑا سکور ہے۔ اس سے قبل 2017 کے ورلڈ کپ کے دوران انگلینڈ کے 374 رنز کے جواب میں جنوبی افریقہ نے نو وکٹوں پر 305 رنز بنائے تھے۔
چمری اٹاپٹو اور لوراو ولفرٹ کی جوڑی مردوں اور خواتین کے ایک روزہ میچوں کی تاریخ میں پہلی جوڑی ہے جس نے ایک میچ میں 175 سے زیادہ رنز بنائے۔ مجموعی طور پر 390 رنز کے ساتھ ان دونوں نے ون ڈے میں دو کپتانوں کے سب سے زیادہ رنز بنانے کے معاملہ میں وراٹ کوہلی اور اینجلو میتھیوز کو پیچھے چھوڑ دیا ہے۔ رانچی میں سال 2014 میں دونوں نے 139 رنز کی ناقابل شکست اننگز کھیلی تھی۔ چمری کا 195 ناٹ آؤٹ کا اسکور خواتین کے ون ڈے میں تعاقب کرتے ہوئے سب سے زیادہ انفرادی اسکور ہے۔ اس سے قبل یہ ریکارڈ میگ لیننگ کے نام تھا جنہوں نے 2017 میں سری لنکا کے خلاف 152 رنز کی ناقابل شکست اننگز کھیلی تھی۔ اب میکسویل ناقابل شکست (201) رنز کے تعاقب میں سب سے زیادہ انفرادی سکور بنانے کے معاملہ میں چمری سے آگے ہیں۔ چمری کا یہ اسکور تیسرا سب سے بڑا ناقابل شکست انفرادی اسکور بھی ہے۔ اب وہ پہلی خاتون کھلاڑی بھی ہیں جنہوں نے ایک سے زیادہ مرتبہ 175 سے زیادہ رنز بنائے ہیں۔
سری لنکا کی خواتین ٹیم نے اب تک ون ڈے میچوں میں کل نو سنچریاں اسکور کی ہیں اور یہ تمام سنچریاں چمری کے بلے سے بنی ہیں۔ اب تک صرف دو خواتین کھلاڑی ون ڈے میں چمری سے زیادہ سنچریاں اسکور کر پائی ہیں۔وولفرٹ کا ناٹ آؤٹ 184 رنز خواتین کی ون ڈے تاریخ کا پانچواں سب سے بڑا انفرادی سکور ہے جبکہ یہ ہارنے والی ٹیم کا سب سے بڑا انفرادی اسکور بھی ہے۔ اس سے قبل چمری نے 2017 میں آسٹریلیا کے خلاف 178 رنز کی ناقابل شکست اننگز کھیلی تھی۔ حالانکہ ان کی ٹیم یہ میچ ہار گئی تھی۔ چمری اور نیلاکشکا سلوا کے درمیان 179 رنز کی شراکت خواتین کے ون ڈے میں پانچویں یا اس سے کم وکٹ کے لیے دوسری سب سے بڑی شراکت ہے۔ یہ سری لنکا کی خواتین ٹیم کے لیے ون ڈے میں دوسری سب سے بڑی شراکت داری بھی ہے۔ اس سے قبل سال 2023 میں نیوزی لینڈ کے خلاف ان دونوں کھلاڑیوں نے تیسری وکٹ کے لیے 190 رنز کی ناقابل شکست شراکت داری کی تھی۔
