میلبورن، 23 دسمبر (یو این آئی) ممبئی کے آف اسپن آل راؤنڈر تنوش کوٹیان کو آسٹریلیا میں کھیلی جارہی بارڈر-گاوسکر ٹرافی 2024-25 کے بقیہ میچوں کے لیے ہندوستانی ٹیسٹ ٹیم میں شامل کیا گیا ہے۔ وہ گابا ٹیسٹ کے بعد ریٹائر ہوئے آر اشون کی جگہ لیں گے ۔کوٹیان احمد آباد سے میلبورن کے لیے روانہ ہوں گے۔ کوٹیان اس وقت احمد آباد میں وجے ہزارے ٹرافی کے لیے ممبئی کی ٹیم کے ساتھ ہیں۔ انہوں نے 33 فرسٹ کلاس میچوں میں 25.70 کی اوسط سے 101 وکٹ حاصل کئے، جس میں میچ میں پانچ پنجہ اور تین بار میچ میں 10 وکٹ ہال شامل ہیں۔ اس کے علاوہ انہوں نے 47 اننگز میں 41.21 کی اوسط سے 1525 رن بھی بنائے ہیں جس میں دو سنچریاں اور 13 نصف سنچریاں شامل ہیں۔وہ حال ہی میں انڈیا اے ٹیم کا مستقل حصہ رہے ہیں۔ گزشتہ ماہ آسٹریلیا کے دورے کےدوران انہوں نے 44 رن بنائے اور انڈیا اے کے لیے ایک میچ میں ایک وکٹ بھی حاصل کیا۔کوٹیان نے ممبئی کی 2023–24 رنجی ٹرافی کی جیت میں کلیدی کردار ادا کیا اور 41.83 کی اوسط سے 502 رن کے ساتھ 16.96 کی اوسط سے 29 وکٹوں کے ساتھ پلیئر آف دی ٹورنامنٹ قرار پائے۔ وہ اس سیزن میں 500 رن اور 25 وکٹوں کا ڈبل اسکور کرنے والے واحد کھلاڑی تھے۔
