نئی دہلی، 17 جنوری ( یو این آئی ) بھارتیہ جنتا پارٹی (بی جے پی) نے دہلی حکومت کی طرف سے چلائی جانے والی عوامی بہبود کی اسکیموں کو جاری رکھنے اور انہیں بدعنوانی سے پاک بنانے کے ساتھ ساتھ غریبوں کو 500 روپے میں گھریلو کوکنگ گیس سلنڈر اور ہولی-دیوالی کے دوران ایک سلنڈر مفت دینے کا وعدہ کیا گیا ہے۔بی جے پی کے قومی صدر جے پی نڈا نے آج پارٹی کے ریاستی ہیڈکوارٹر میں تیار کیے گئے دہلی سنکلپ پتر -1 کو جاری کرتے ہوئے کہا کہ اگر دہلی میں بی جے پی کی حکومت بنتی ہے تو یہاں پہلے سے چلائی جانے والی بدعنوانی سے پاک تمام عوامی فلاحی اسکیموں کو جاری رکھا جائے گا اور ان کو آگے بڑھایا جائے گا ۔ قابل ذکر ہے کہ اس بار بی جے پی کئی حصوں میں دہلی اسمبلی انتخابات کے لیے اپنا منشور جاری کر رہی ہے۔اس موقع پر مسٹر نڈا نے کہا ’’اگر دہلی میں بی جے پی کی حکومت بنتی ہے، تو مہیلا سمردھی یوجنا کے تحت یہاں کی خواتین کو ماہانہ 2500 روپے دیے جائیں گے۔‘‘ انہوں نے کہا کہ ماترو تحفظ وندنا یوجنا کے تحت حاملہ خواتین کو 21,000 روپے دیئے جائیں گے اور 06 نیوٹریشن کٹس بھی دی جائیں گی۔ دہلی میں بجلی، بسوں اور پانی کے حوالے سے موجودہ حکومت کی جاری اسکیمیں جاری رہیں گی۔ انہوں نے کہا کہ اس کے ساتھ ساتھ ہر حاملہ خاتون کو 21 ہزار روپے کی مالی امداد دی جائے گی اور 06 نیوٹریشن کٹس فراہم کی جائیں گی۔ہیلتھ اسکیم کا ذکر کرتے ہوئے انہوں نے کہابی جے پی کی حکومت بننے کے بعد آیوشمان بھارت اسکیم کو دہلی میں کابینہ کی پہلی میٹنگ میں نافذ کیا جائے گا، جس کے تحت یہاں کے لوگوں کو 5 لاکھ روپے تک مفت علاج کی سہولت فراہم کی جائے گی۔ اس کے ساتھ ہی ریاستی حکومت کی طرف سے 05 لاکھ روپے تک کے مفت علاج کی سہولت بھی شامل کی جائے گی۔ اسی طرح ہر شہری کو 10 لاکھ روپے تک مفت علاج کی سہولت ملے گی۔ انہوں نے کہا کہ بزرگ شہریوں کو او پی ڈی اور جانچ کی سہولیات بھی مفت فراہم کی جائیں گی۔
