بھوپال، 4 مارچ (رپورٹر) لوک سبھا انتخابات کو لے کر ملک بھر میں اقربا پروری کو لے کر تنازعہ کھڑا ہو گیا ہے۔ بہار میں ایک ریلی میں وزیر اعظم نریندر مودی کی فیملی پر لالو یادو کے قابل اعتراض ریمارکس کے بعد بی جے پی جارحانہ موڈ میں آ گئی ہے اور اس نے پی ایم مودی کی حمایت میں اپنے سوشل میڈیا پروفائل پر اپنے نام کے ساتھ مودی کے خاندان کا اضافہ کر دیا ہے۔ اسی سلسلے میں بی جے پی لیڈروں نے اپنے پروفائلز پر نام بھی بدلے ہیں۔
مدھیہ پردیش میں وزیر اعلیٰ موہن یادو، بی جے پی ریاستی صدر وی ڈی شرما، مرکزی وزیر جیوترادتیہ سندھیا اور سابق وزیر اعلیٰ شیوراج سنگھ چوہان اور دیگر بی جے پی لیڈروں نے اپنے پروفائلز کے نام تبدیل کر دیے ہیں۔
پروفائل پر نام تبدیل کرنے کی شروعات بی جے پی کے قومی صدر جے پی نڈا نے کی تھی۔ جس کے بعد سبھی لیڈروں نے اپنے ناموں کے ساتھ مودی کے خاندان کو جوڑا ہے اور یہ سلسلہ اب بھی جاری ہے۔
