پیرس، 09 اگست (یو این آئی) ہندوستانی کھلاڑی نیرج چوپڑا نے کہا ہے کہ وہ اپنی کارکردگی سے خوش نہیں ہیں۔ نیرج نے مردوں کے جیولین تھرو فائنل کے بعد کہاکہ “یہ ایک اچھا تھرو تھا لیکن میں آج اپنی کارکردگی سے اتنا خوش نہیں ہوں۔” میری تکنیک اور رن وے اتنا اچھا نہیں تھا۔ صرف ایک تھرو (میں کامیاب رہا)، باقی میں نے فاول کیادوسری تھرو کے لیے مجھے اپنے آپ پر یقین تھا کہ میں اس حد تک بھی پھینک سکتا ہوں۔ لیکن یہ اتنا اچھا نہیں چلا۔ انھوں نے کہاکہ پچھلے دو یا تین سال میرے لیے اتنے اچھے نہیں تھے۔ میں ہمیشہ زخمی ہوا ہوں۔ میں نے بہت محنت کی لیکن مجھے اپنی چوٹ سے دور رہنا اور اپنی تکنیک پر کام کرنے کی ضرورت ہے۔ قابل ذکر ہے کہ ہندوستانی جیولین پھینکنے والے نیرج چوپڑا نے جمعرات کو پیرس اولمپکس 2024 میں 89.45 میٹر کی کوشش کے ساتھ چاندی کا تمغہ جیتا تھا۔ یہ ان کے کیریئر کا اب تک کا دوسرا بہترین تھرو تھا۔ چوپڑا کو پہلی بار کسی سینئر بین الاقوامی مقابلے میں پاکستان کے ارشد ندیم نے شکست دی۔ ارشد نے 92.97 میٹر کا بڑا تھرو پھینک کر ٹائٹل جیتا اور اولمپک ریکارڈ توڑ دیا۔
وزیراعظم نے نیرج کو چاندی کا تمغہ جیتنے پر مبارکباد دی
نئی دہلی، 09 اگست (یو این آئی) وزیر اعظم نریندر مودی نے پیرس اولمپکس میں جیولین تھرو مقابلے میں چاندی کا تمغہ جیتنے والے کھلاڑی نیرج چوپڑا سے فون پر بات کی اور انہیں مبارکباد دی۔ اس دوران مسٹر مودی نے خیریت دریافت کی اور ایڈکٹر کا مسئلہ بھی دریافت کیا۔ وزیر اعظم نے نیرج کی ماں کے کھیل کے جذبے کی تعریف کی۔ مودی نے فون پر چوپڑا کی کامیابی اور لگن کی تعریف کی۔ اس سے قبل وزیر اعظم مودی نے سوشل میڈیا پلیٹ فارم ایکس پر لکھاکہ “نیرج چوپڑا ایک عظیم انسان ہیں، انہوں نے بار بار اپنی صلاحیتوں کا مظاہرہ کیا ہے۔ ہندوستان بہت خوش ہے کہ وہ ایک اور اولمپک کامیابی کے ساتھ واپس لوٹ رہے ہیں۔ چاندی کا تمغہ جیتنے پر انہیں مبارکباد۔ وہ لاتعداد ایتھلیٹس کو ان کے خوابوں کو پورا کرنے اور ہمارے ملک کا سر فخر سے بلند کرنے کی ترغیب دیتے رہیں گے۔
مان نے پیرس اولمپکس میں چاندی کا تمغہ جیتنے پر نیرج چوپڑا کو مبارکباد دی
چنڈی گڑھ، 09 اگست (یو این آئی) پنجاب کے وزیر اعلی بھگونت سنگھ مان نے پیرس اولمپک کھیلوں میں جیولین تھرو میں چاندی کا تمغہ جیتنے پر ہندوستانی کھلاڑی نیرج چوپڑا کو مبارکباد دی۔ اپنے پیغام میں وزیر اعلیٰ نے کہا کہ نیرج چوپڑا نے اپنے غیر معمولی اور تاریخی کارنامے سے پورے ملک کا سر فخر سے بلند کیا ہے۔ا
