حیدرآبادیکم فروری(یواین آئی)متالی راج، اسمرتی مندھانا، شفالی ورماجیسے ناموں نے ہندوستانی کرکٹ میں سنسنی پیدا کر دی۔اس صف میں تلنگانہ کی ایک بیٹی بھی آگئی ہے جس نے انڈر19ورلڈ کپ میں نمایاں مظاہرہ کرتے ہوئے اس بات کو ثابت کردیا۔تریشا نے ا سکاٹ لینڈ کے خلاف سوپر سکس مقابلہ میں صرف 53 گیندوں پر شاندار سنچری بنا کر آئی سی سی ویمنس انڈر 19 ٹی 20 ورلڈ کپ 2025 کی پہلی سنچری کے طور پر تاریخ میں اپنا نام درج کروایا۔ اس نے خواتین کے انڈر 19 ورلڈ کپ کی تاریخ میں پہلی سنچری بھی بنائی۔ تریشا اپنی بہترین گیند بازی اور بلے بازی سے اپنے مخالفین کی نیند حرام کررہی ہے۔ تریشا ایک آل راونڈر ہیں۔ان کی پیدائش 15 دسمبر 2005کو تلنگانہ کے بھدراچلم میں پیداہوئی۔وہ فی الحال حیدرآباد کے لیے کھیلتی ہیں۔ ترشا کے والد، جو ایک پرائیویٹ کمپنی میں فٹنس ٹرینر کے طور پر کام کرتے ہیں۔انہوں نے اس کی صلاحیتوں کو پہچانا اور اسے کرکٹ کھیلنے کی ترغیب دی۔ اپنی ملازمت چھوڑ کر اپنی بیٹی کو کرکٹ کی تربیت دینے کے لئے وہ بھدراچلم سے سکندرآباد چلے آئے۔ سات سال کی عمر میں، تریشا کو سینٹ جان کرکٹ اکیڈیمی میں داخل کرایا گیا۔حیدرآباد اور ساؤتھ زون کی ٹیموں کے لئے کھیلنے کے بعد، تریشا نے حیدرآباد کیلئے 2017-18 سینئر ویمنس ٹی 20میں پہلی مرتبہ کھیلا۔انہوں نے 2021-22 میں انڈر19 خواتین کرکٹ چیلنجرس کے ساتھ ساتھ وجئے واڑہ میں 2021-22 سینئر ویمنز چیلنجر ٹرافی میں انڈیا بی کی نمائندگی کی۔جنوری 2023 میں، تریشا نے 2023 کے آئی سی سی انڈر 19 ویمنس ٹی 20 ورلڈ کپ میں ہندوستان کے لیے کھیلا۔ ٹورنامنٹ کے فائنل میں، انہوں نے سب سے زیادہ 24 رنز بنائے اور ان کی ٹیم 7 وکٹوں سے مقابلہ جیت گئی۔
