دبئی، 08 دسمبر (یو این آئی) رضان حسن (47 رن اور تین وکٹ) اور عزیز الحکیم (آٹھ رن پر تین وکٹ) کی آل راؤنڈ کارکردگی کی بدولت بنگلہ دیش نے ہندوستان کو 59 رنز سے شکست دے کر انڈر 19 ایشیا کپ کا خطاب اتوار کو فائنل میچ میں جیت لیا۔
بنگلہ دیش کے 199 رنز کے جواب میں بیٹنگ کرنے آئی ہندوستانی ٹیم کا آغاز اچھا نہیں تھا اور 24 کے اسکور تک اس نے دو وکٹیں گنوا دیں۔ آیوش مہاترے (ایک) اور ویبھو سوریاونشی (نو) رنز بنانے کے بعد آؤٹ ہوئے۔ اس کے بعد آندرے سدھارتھ اور کے پی کارتیکیا نے اننگز کو سنبھالنے کی کوشش کی۔ 12ویں اوور میں رضان حسن نے آندرے سدھارتھ (20) کو آؤٹ کر کے ہندوستان کو تیسرا جھٹکا دیا۔ کے پی کارتیکیا (21) کو اقبال حسن نے اپنا شکار بنایا۔ نکھل کمار (صفر)، ہرونش پنگالیا (چھ) اور کرن چورملے (ایک) رنز بنانے کے بعد آؤٹ ہوئے۔ عزیز الحکیم نے جلد ہی آخری تین وکٹیں حاصل کیں جب ہندوستان فتح کی طرف بڑھ گیا۔ کپتان محمد امان (26) کے آؤٹ ہونے کے بعد ہندوستان کی ٹائٹل جیتنے کی امیدوں پر پانی پھر گیا۔ ہاردک راج (24) اور چیتن شرما (10) رنز بنانے کے بعد آؤٹ ہوئے۔ پوری ہندوستانی ٹیم 35.2 اوور میں 139 رنز پر ڈھیر ہوگئی۔
بنگلہ دیش کی جانب سے اقبال حسن اور عزیز الحکیم نے تین تین وکٹیں حاصل کیں۔ الفہد نے دو وکٹیں حاصل کیں۔ معروف مردھا اور رضان حسن نے ایک ایک بلے باز کو آؤٹ کیا۔اس سے پہلے آج ہندوستانی انڈر 19 ٹیم نے ٹاس جیت کر پہلے گیند بازی کرنے کا فیصلہ کیا۔ بیٹنگ کے لیے آنے والے بنگلہ دیش کا آغاز خراب رہا اور 66 کے اسکور پر اس کی تین وکٹیں گر گئیں۔ دوسرے ہی اوور میں یودھجیت گوہا نے کلام صدیقی (ایک) کو آؤٹ کرکے ہندوستان کو پہلی کامیابی دلائی۔ 11ویں اوور میں چیتن شرما نے جواد ابرار (20) کو آؤٹ کر کے پویلین بھیج دیا۔ 19ویں اوور میں کرن چورملے نے کپتان عزیز الحکیم (16) کو آؤٹ کر کے ہندوستان کو تیسری کامیابی دلائی۔ اس کے بعد محمد شہاب جیمز اور رضان حسن نے اننگز کو سنبھالا۔ دونوں بلے بازوں کے درمیان تیسری وکٹ کے لیے 62 رنز کی شراکت ہوئی۔ 32ویں اوور میں آیوش مہاترا نے محمد شہاب جیمز (40) کو آؤٹ کر کے اس شراکت داری کو توڑا۔ اس کے بعد کے پی کارتیکیان نے دیباشیش دیبا (ایک) کو آؤٹ کر کے پویلین بھیج دیا۔ ہاردک راج نے رضا حسن (47) کو آؤٹ کر کے بنگلہ دیش کو چھٹا جھٹکا دیا۔ فرید حسن (39)، الفہد (ایک)، اقبال حسن (ایک) اور ایس بشیر (چار) رنز بنانے کے بعد آؤٹ ہوئے۔ معروف مردھا (11) 11 رنز بنانے کے بعد ناٹ آؤٹ رہے۔ بنگلہ دیش کی پوری ٹیم 49.1 اوورز میں 198 کے اسکور پر ڈھیر ہو گئی۔ہندوستان کی جانب سے یودھجیت گوہا، چیتن شرما اور ہاردک راج نے دو دو وکٹیں حاصل کیں۔ کرن چورملے، آیوش مہاترا اور کے پی کارتیکیان نے ایک ایک بلے باز کو آؤٹ کیا۔

 

متعلقہ مضامینزیادہ مصنف کی طرف سے