اندور، 23 مارچ (ہ س)۔ تجاوزات ہٹانے پہنچی کارپوریشن ٹیم کو ہفتہ کی صبح کارروائی کرنے سے پہلے سابق وزیر اور مہو ایم ایل اے اوشا ٹھاکر کی مخالفت کا سامنا کرنا پڑا۔ اوشا ٹھاکر نے موقع پر پہنچ کر تجاوزات کی کارروائی روک دی۔ یہ معاملہ ایروڈوم تھانہ علاقہ کی مارواڑی اگروال کالونی کا ہے۔ میونسپل کارپوریشن کی ٹیم نے ہفتہ کی صبح موقع پر پہنچ کر کارروائی شروع کی۔ مکینوں نے اوشا ٹھاکر کو اطلاع دی۔ یہ کالونی اوشا ٹھاکر کے رشتہ دار کی بتائی جارہی ہے۔
میونسپل کارپوریشن کا ریموول دستہ ہفتہ کی صبح جے سی بی اور عملے کے ساتھ مارواڑی اگروال کالونی پہنچا اور کارروائی شروع کی۔ لیکن اسی دوران مکینوں سے اطلاع ملنے پر مہو ایم ایل اے اور وزیر اوشا ٹھاکر وہاں پہنچ گئیں اور کارروائی روک دی۔ جس کے بعد میونسپل کارپوریشن کی ٹیم بغیر کسی کارروائی کے واپس لوٹ گئی۔ کانگریس نے اس کو لے کر بی جے پی اور ریاستی حکومت کو نشانہ بنایا ہے۔
میونسپل کارپوریشن میں اپوزیشن لیڈر چنٹو چوکسے نے کہا کہ حال ہی میں ریاستی حکومت کی طرف سے اعلان کیا گیا ہے کہ غیر قانونی کالونیاں کاٹنے والے کالونائزرس کے خلاف این ایس اے کے تحت کارروائی کی جائے گی۔
