اندور، 6 فروری (ایجنسی) اندور کے چندن نگر علاقے میں گرین پارک کی ایک عمارت میں آگ لگ گئی۔ آگ اتنی خوفناک تھی کہ لوگ اپنی جان بچانے کے لیے اوپر سے ہی کودنے لگے۔ آس پاس کھڑی کئی گاڑیاں بھی مکمل طور پر جل کر راکھ ہو گئیں۔ ابتدائی معلومات کے مطابق آگ شارٹ سرکٹ کے باعث لگی۔ آگ اتنی شدید تھی کہ کئی فلیٹ مکمل طور پر جل کر راکھ ہو گئے۔ عمارت میں 20 سے زائد خاندان رہتے ہیں اور قریب ہی ایک گھنی بستی ہے۔ ایک بزرگ خاتون اور ایک نوجوان زخمی ہو گئے ہیں۔
آگ لگتے ہی آس پاس کے علاقے میں دھواں پھیل گیا۔ عمارت میں بھگدڑ مچ گئی۔ اس دوران آس پاس کے لوگ مدد کے لیے وہاں پہنچ گئے اور سب سے پہلے خواتین اور بچوں کو باہر نکالنا شروع کیا۔ عمارت تک پہنچنے والی اپروچ روڈ میں شدید دھوئیں کی وجہ سے اوپر جانا مشکل ہو گیا تھا۔ اس دوران کئی لوگوں نے کھڑکیوں سے چھلانگ لگا کر اپنی جان بچائی۔ اطلاع ملتے ہی فائر بریگیڈ نے موقع پر پہنچ کر لوگوں کو بچانا شروع کیا۔ زخمیوں کو علاج کے لیے اسپتال لے جایا گیا ہے۔
